Son and Daughter

कृपया २ मिनेट पढिदिनु होला।
#छाेरी_छाेरा
नाम - छैन
उमेर - तीन महिना
ठेगाना - गर्भ
समाजले छोरी भनेकी
म चाहेर नी जन्मिन नपाएकी
किनकी ,
डाक्टरले तीन महिना मै पत्तो लागाईदियो
कि म छोरी भन्ने
अनि त घरमा कलह!
आमालाई "छोरा नी पाउन सक्दिनस्?"
बिचरा आमा मौन
बा'को अगाडि के बोल्ने?
किनकि उनलाई त एउटा भुत सवार थियो।
छोरा !
छोरा !!
छोरा !!!
मिल्ने भए आमाले दिनहूँ
छोरा जन्माइ दिन्थिन्,
केवल बा'को लागि
तर मिल्दैन पो ।
तीन महिनामा छोरा कि छोरी थाहा
पाइदिन्छन्
अनि हुन्छ भ्रुणहत्या
यस्तो घटना मेरी आमाको
जिवनमा धेरै भयो
किनकि बालाई चाहिएको छोरा थियो
छोरा ।
उसले वंश चलाउछ
स्वर्गको ढोका खोल्छ
बालाई पिण्ड दिन्छ
तर म छोरीमा ती गुणहरु
छैनन्।
र
म
फालिन्छु कलिलै उमेरमा
बा स्कुल त गएनन्
तर,
त्यो डाक्टर त स्कुल गएर पढ्यो
कि छोराछोरी बराबरी ।
अहो! पैसाको लोभले
मेरो हत्या गर्यो
निर्मल हत्या
र
म
फ़ालिऍ कतै
यो संसारमा परिचितविहिन भऍ
तर पनि एकचोटि जन्मेर
मेरा बालाई सोध्ने रहरथ्यो
"बा, म छोरी हो
बा, म जन्मिनुमा पनि गल्ति छ?
बा, तिमीलाई कस्ले जन्मायो?
बा, तिमिले घरमा कस्लाई भित्रयाएका छौ ?
हरेक साझबिहान खाना कस्ले पकाउछ ?
तिम्रो पसिनाले भिजेका लुगा कस्ले धुनछ ?
छोरा भर कुन बाआमा स्वर्ग छिरे ?"
हो यस्तै लामो प्रश्न छन्,
मनमा उकुसमुकुस गुम्सिएका
तर
म जन्मिनै पाउदिन
मलाई जन्मनै दिईदैन
बा, मलाई जन्मन देउ
यो संसार हेर्छु
र
गन्ति गर्छु
छोरा चै कति रहेछन् यो संसारमा

साली भातु थारु गीत

मलेसिया 14जुन 2019  

बाँकेको पेडारीस्थित एक घरमा विवश दारु खाँदै गर्दा उहाँलाई झट्का लाग्यो र अकस्मात उहाँलाई लेहंगा-फरियामा सजिएकी एक युवतीले उद्धार गरिन् । नसामा रहेका विवशले ती उद्दार गर्ने युवतीलाई चिन्नुभएन ।

‘साली हो दारु पियाटम आओ साली बैठो हाली कोनम झमाझम भन्ने वित्तिकै’ ती उद्धार गर्ने युवति अचम्ममा परिन् । र, विवशलाई जिस्काउँदै भनिन् ‘भातु हो दारु पियाटम दारु पियाटम नानो भाटु बैथो कोनम झमाझम’ । याे वास्तवमा साली-भातु म्युजिक भिडियाेकाे सुटिङ थियाे । यहीँ बोलको गीत रहेको ‘साली-भातु’ थारु म्युजिक भिडियोको सुटिङ समापन भइसकेको छ । बाँकेको पेडारी गाउँमा भएको सुटिङ केही दिनमा रिलिज हुने साली-भातुका प्राेड्युसर सुशील दहितले बताउनुभयाे ।

कलाकारितामै लागेर थारु जगतका सुपरस्टार कहलिएका कलाकार विवश चौधरी यतिवेला हरेकको मनमनमा बस्न सफल हुनुभएको छ । कलाकारिताले नै उहाँलाई धेरै स्रोतामाझ पुर्याएको छ ।

हरेक बस्ती, टोलमा हुने विवाह, पार्टी, जन्मोत्सव, महोत्सव तथा विभिन्न खाले सांस्कृतिक कार्यक्रममा पनि विवशले खेलेको म्युजिक भिडियोको गीत गुञ्जिने गर्दछ । उहाँले खेलेका गीत संगीतको चर्चाले नै विवशको नाम पनि दर्शकहरुले फरक-फरक नामले चिन्ने गर्दछन् र बोलाउने पनि गर्दछन् । विवश नाम भए पनि जुन बढी गीत चलेको छ र कुनै ठाउँ एक्कासि जाँदा फरक नामले बोलाउँदा आफुलाई गर्व महसुस भएको विवश भन्नुहुन्छ । 

हुनत उहाँकाे आफ्नै नामै काफी छ तर पछिल्लो समयमा विवशलाई दर्शकहरुले धेरै नै मन पराउन थालेपछि उहाँलाई बन्दादा, हाईमोर दार्लु, चवन्वा, सुरसुरिया गोलाजस्ता नामले बेला-बखतमा बोलाउने गरेको उहाँ बताउनुहुन्छ ।

पछिल्लो समयमा मोडल विवश चौधरीको एकपछि अर्को थारु म्युजिक भिडियो धमाधम बजारमा सार्वजनिक हुँदै आएको छ । थारु जगतकै सवैभन्दा बढी थारु म्युजिक भिडियोमा मुख्य भुमिका खेल्नेमा उहाँ चर्चित हुनुहुन्छ । विवश गीत-संगीतबाटै आफ्नो पहिचान बनाउन सफल भएको दावी गर्नुहुन्छ ।

विवशकाे याे पछिल्लाे साली-भातु गीतले लगानी गरेअनुसारको प्रतिफल पाउने आशा रहेको प्राेड्युसर दहित बताउनुहुन्छ । साली-भातुको लय तथा शब्दले नै याे थारु बस्ती-बस्तीमा गुञ्जिन सफल हुने दहितकाे भनाइ छ । साली-भातुको सुटिङ हेरेर स्थानीयहरुले पनि भरपुर मनोरञ्जन लिए । सुटिङ गर्न दर्शकको घुइँचोले समस्या पारेको थियो । नितान्त थारु सांस्कृति झल्कने खालको सालीभातु बोलको गीतले बजारमा तहल्का मच्चाउने दाबी कलाकार विवशले गर्नुभयो ।

साली भातु बोलको गीतमा कलाकार विवश चौधरी र श्रीदेवी चौधरीले अभिनय गर्नुभएको छ भने गीतको शब्द-संगीत सुशील दहितले गर्नुभएको हाे । साली भातु गीतको छायांकन रामु चौधरीले गर्नुभएको छ भने सुरज कुस्मीले निर्देशन गर्नुभएको हाे । 

मोडल विवशले थारु सांस्कृति झल्कने ६/७ वटा गीत, नेपाली आधुनिक, थारु, भोजपुरी र नेपाली लोकदोहरी गरि सय बढी गीतमा मोडेलको रुपमा भुमिका खेलिसक्नु भएको छ । विवशकै भुमिका रहेको थारु म्युजिक भिडियो केही दिनमै ३ वटा सार्वजनिक हुने तयारीमा रहेको उहाँले जानकारी गराउनुभयो ।

आफुले सकेसम्म थारु गीत-संगीतलाई झल्काउने खाले गीत र संस्कृतिलाई बचाउनतिर लागिपर्ने विवशकाे भनाइ छ । थारु राष्ट्रिय कलाकार मञ्चमार्फत अब थारु गीत-संगीतलाई पनि सेन्सर मार्फत लैजाने हो भने याे क्षेत्रले फड्को मार्ने र थारु संस्कृतिको बदनामी हुनबाट बचाउने उहाँले बताउनुभयाे ।

अडियो सुन्न को लागि तल दिएको लिङ्क मा क्लिक गर्नु होला ।

https://youtu.be/h34Kz9Sg2bc

 #सभार_भगत_राम_थारु 

#news_24_npl_tv